Ինչպես է անցել գիշերը հայ-ադրբեջանական սահմանին. ՊՆ-ի նոր հաղորդագրությունը

Գիշերը հայ-ադրբեջանական սահմանին էական միջադեպեր չեն արձանագրվել: Այս մասին հաղորդագրություն է տարածել Հայաստանի ՊՆ-ն:

Ավելի վաղ ՊՆ-ից հայտնել էին, որ երեկ՝ սեպտեմբերի ժամը 20-ից հետո կրակը բոլոր ուղղություներով գրեթե դադարել է, էական միջադեպեր չեն արձանագրվել:

Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները սահմանի ողջ երկայնքով հրետանային միջոցներից, խոշոր տրամաչափի հրաձգային զինատեսակներից սկսել էին ինտենսիվ կրակ վարել հայկական դիրքերի ուղղությամբ՝ կիրառելով նաեւ ԱԹՍ-ներ:

Հակառակորդը հարվածում է թե՛ ռազմական, թե՛ քաղաքացիական օբյեկտներին, որոշ ուղղություններով ձեռնարկում դիրքային առաջխաղացման գործողություններ։ Հայկական կողմն ունի 105 զոհ և ավելի քան 100 վիրավոր, վիրավորներից վեցը քաղաքացիական անձինք են։

(Visited 118 times, 1 visits today)