Հրաշագործ մեղրը. Որոնք են մեղրի օգտակար և բուժիչ հատկությունները

allwomen.net.ua-ն ներկայացնում է մեղրի օգտակար և բուժիչ հատկությունները:

Մեղրը մթերք է, որը կարող է երկար պահվել՝ մնալով նույնքան օգտակար և համեղ: Այն հակաբակտերիալ, հակասնկային և հակավիրուսային միջոց է:

Մինչ ինսուլինի բացահայտումը՝ բժիշկները մեղրն օգտագործել են դիաբետի բուժման համար և խորհուրդ են տվել շաքարի փոխարեն մեղր ուտել: Դիաբետիկները և հիպոգլիկեմիայով տառապող մարդիկ պետք է բժշկի հետ խորհրդակցեն մեղրը բուժական նպատակներով օգտագործելուց առաջ:

Քնելուց առաջ երեխային տրված 1 թեյի գդալ բնական մեղրը գործում է որպես հանգստացնող միջոց, օգնում ավելի արագ քնել և խուսափել գիշերային անմիզապահությունից:

Մեղրը բարձրացնում է էներգետիկ մակարդակը, կենսական տոնուսը, ուժ է տալիս:

Բուժում է հազը. մրսածության դեպքում քնելուց առաջ խմեք 1 թեյի գդալ մեղրով 1 բաժակ տաք կաթ:

Մեղրը կարող է օգտագործվել ստամոքսի թթվային խանգարումը ճնշելու համար:

Իմբիրին, կիտրոնի հյութին և տաք ջրին խառնած մեղրը նվազեցնում է սրտխառնոցի զգացումը և ուժ է տալիս:

Բնական մեղրի օգտագործումն օգնում է կրճատել մկանային ցնցումները:

Մեղրն օգտագործում են անեմիայի բուժման համար, այն կարգավորում է արյան մեջ հեմոգլոբինի մակարդակը:

Բոլոր տեսակի աղիքային խանգարումների դեպքում ևս օգտագործում են մեղր, քանի որ այն հրաշալի հակաբակտերիալ միջոց է:

Արյան մեջ շաքարի պարունակության նվազման դեպքում մարդը հոգնածություն և հաճախակի սրտխփոց է ունենում: Մեղրը վերացնում է այդ զգացողությունները:

Մեղրը պարունակում է մարսողության համար անհրաժեշտ շատ ֆերմենտներ:

Այն հրաշալի միջոց է տարբեր վերքերի դեպքում՝ ունի հականեխիչ, հակաբակտերիալ, հակասնկային հատկություններ, որոնք վերացնում են միկրոբային վարակները և նպաստում վերքի արագ ապաքինմանը:

Բնական մեղրի օգտագործումն օգնում է նվազեցնել օրգանիզմում տրիգլիցերիդների մակարդակը: Դրանց բարձր պարունակությունը կարող է հանգեցնել սրտանոթային և այլ հիվանդությունների: Արհեստական մեղրը՝ ընդհակառակը, հանգեցնում է տրիգլիցերիդների ավելացման:

Մեղրը հաճախ օգտագործվում է կոսմետոլոգիական նպատակներով: Դեմքի գույնի բարելավման համար 1 ճաշի գդալ մեղրը խառնեք 1-2 ճաշի գդալ նուշի կամ ձիթապտղի յուղի հետ, քսեք դեմքին և պարանոցին: 30 րոպե անց լվացեք գոլ ջրով:

Մեղրով սնուցող դիմակի ևս մեկ տարբերակ՝ կանաչ կամ սպիտակ կավը խառնեք բնական մեղրին, քսեք դեմքին և 20 րոպե անց լվացեք: Մաշկը կդառնա հարթ և գեղեցիկ:

Մեղրը խաղողի հյութի համադրությամբ հրաշալի բուժական միջոց է հոդատապի, արտրիտի, հոդացավերի դեպքում:

Մեղրի օգտագործումն օգնում է նիհարել:

(Visited 47 times, 1 visits today)