Մահացել է Արտուշ Մկրտչյանը

Մահացել է Գյումրու «Սթիլ» գրաֆիկայի կենտրոնի հիմնադիր Արտուշ Մկրտչյանը։

«Նա քաղաքի նվիրյալներից էր, ով անգամ մութ ու ցուրտ տարիներին հավաքում էր արվեստի ստեղծագործություններ՝ հավատալով, որ Գյումրին պիտի ունենա գրաֆիկայի եզակի կենտրոն տարածաշրջանում։ Նրան հաջողվել էր համախմբել տարբեր սերունդների, հայացքների, ոճերի տեր արվեստագետների աշխատանքներ մի հարկի տակ՝ կենտրոնը դարձնելով քաղաքի զբոսաշրջության ամենաինքնատիպ վայրերից մեկը։

Հանգչիր խաղաղությամբ, Մաեստրո…»,-հայտնում է Երևանի Գեղարվեստի պետական ակադեմիայի Գյումրու մասնաճյուղի հումանիտար ամբիոնի վարիչ, հայ և համաշխարհային արվեստի պատմության դասախոս Արաքս Մարգարյանը:

Նշենք, որ «Սթիլ»-ը գրաֆիկայի առաջին և միակ թանգարանն է Հայաստանում։ Այն պաշտոնապես իր դռներն է բացել 2019 թ. օգոստոսի 25-ին։

(Visited 1 154 times, 1 visits today)