Իսրայելի վարչապետի կինը Կիևում գետնին է նետել աղ ու հացը

Իսրայելի վարչապետ Բենիամին Նեթանյահուի կինը` Սառա Նեթանյահուն, սկանդալ է բարձրացրել դեպի Կիև ուղևորվող օդանավում: Այս մասին հայտնում է Ynet պարբերականը:

Հայտնի է, որ Նեթանյահուի տիկնոջը դուր չի եկել այն, որ անձնակազմի հրամանատարը չի բարեհաճել բարևել նրան: Սառա Նեթանյահուն զայրացած գնացել է օդաչուների խցիկ, սակայն նրան չի հաջողվել տեսնել օդաչուին:

Օդանավակայանում իսրայելցի ամուսիններին դիմավորել են ուկրաինական ավանդական աղ ու հացով: Նշվում է, որ ինքը՝ Նեթանյահուն, կտրել է հացը, թաթախել աղի մեջ ու համտեսել: Հետո մի կտոր էլ փոխանցել է կնոջը՝ Սառային, սակայն վերջինը հացը նետել է գետնին:

(Visited 1 420 times, 1 visits today)