Ոչ մի ազդեցիկ մարդ ոչ մի խնդիր երբևիցե չի առաջացրել. Արդեն բոլորի ժամկետները լրացած են, մենք կարող ենք բոլորին էլ ասենք՝ գնացեք

Երևանի քաղաքապետ Հայկ Մարությանը հայտարարել է, որ առաջիկայում Հայգեր մակնիշի 70 ավտոբուս կշահագրծվի երթուղիներում: Այդ ավտոբուսները, որոնք Չինաստանի կողմից էին նվիրաբերվել Երևան համայնքին, պազվում է՝ երկար տարիներ չեն շահագործվել երթուղիներում: Այնինչ տրանսպորտի դեֆիցիտ կար: Խնդրի վերաբերյալ Lragir.am-ը զրուցեց Երևանի քաղաքապետարանի տրանսպրոտի վարչության պետ Հենրիկ Նավասարդյանի հետ:

Պարոն Նավասարդյան, ի՞նչն էր պատճառը, որ այդ ավտոբուսները չեն շահագործվել:

Խնդիրը հետևյալն է՝ երթուղային ցանցի ոչ արդյունավետ լինելու պատճառով, որպեսզի ձենարկությունը վնասով չգնար, մենք 10 ավտոբուսային երթուղի ունեինք ժամանակին, որոնք ժամանակավորապես դադարեցրին աշխատանքը: Եվ դրանք այդ 70 ավտոբուսներով էին սպասարկվում: Հիմա մտեցումը լրիվ ուրիշ է: Պարոն քաղաքապետն ասաց՝ մենք  որոշակի երթուղիներ, որոնք քիչ տրանսպորտային միջոցներ ունեն, կկենտրոնացնենք, կդարձնենք մեկ երթուղի, և այդ ավտոբուսները կհանենք երթուղի, որպեսզի արդյունավետ աշխատեն:

Որքա՞ն ժամանակ են կանգնած եղել այդ ավտոբուսները:

2013 թվականի վերջից կանգնած են:

Դա այն դեպքում, երբ դուք անձամբ նախկինում բազմիցս ասում էիք, որ տրանսպորտային միջոցների դեֆիցիտ կա:

Այն դեպքում տրանսպորտային ցանցի ու երթուղիների բարեփոխման խնդիր կար, որը մինչև հիմա էլ լուծված չէ: Բայց հիմա մի քիչ մոտեցումն այլ է, որ եղածներից որոշ երթուղիներ, որոնց ժամկետներն արդեն լրացած են, կարող ենք այդ ժամկետը լրացածներին այլ մոտեցում ցույց տալ: Այնտեղ, որտեղ տեխնիկական վիճակը լավ չէ, և մեքենաների քանակը քիչ է, կարող ենք հանել, դնել ավտոբուսները, և սպասարկման վիճակն այդ հատվածներում կարող է լավանալ:

Похожее изображение

Ավելի վաղ հնարավո՞ր չէր դա անել, դիտավորությո՞ւն է եղել, որ այդ ավտոբուսները երթուղի չհանվեն:

Ոչ, դիտավորության հարց չկա այստեղ: Նորից եմ ասում, ոչ արդյունավետ աշխատելու խնդիր կար և ժամկետների հետ կապված հարց կար: Չէինք ուզում այն երթուղիները, որոնք դեռ մրցութային ժամկետների մեջ էին, այդ երթուղիները շուտ դադարեցնեինք: Ճիշտն ասած, մոտեցումն այդպիսին է եղել, հիմա մոտեցումը մի քիչ փոխվում է:

Քաղաքապետն ասաց, որ քաղաքային նոր իշխանությունների ձեռքերն արդեն ազատ են, ոչ մի օլիգարխից կախման մեջ չեն: Ի՞նչ է դա նշանակում, հնարավո՞ր է այդ նույն օլիգարխներց էր կախված այս ոլորտը:

Այնքանով, որքանով արդեն երթուղիների մրցույթների ժամկետները լրացած են, և ոչ ոք չի կարող ասել, գիտեք, երթուղին դեռ ժամկետի մեջ է, պետք է սպասարկվի: Հիմա արդեն ժամկետները լրացած են, մենք այս վերջերս արդեն անընդհատ ժամկետներ ենք երկարացնում: Հիմա որոշ երթուղիների ժամկետներ այլևս չենք երկարացնի: Այսինքն՝ այդ հնարավորությունը կա, մեր ձեռքերը բաց են այդ առումով:

Похожее изображение

Նրանց թվում ազդեցիկ մարդի՞կ կան, որոնց հետ չեք երկարացնի պայմանագրերը:

Ոչ մի ազդեցիկ մարդ ոչ մի խնդիր երբևիցե չի առաջացրել, և չկա այդպիսի մարդ, որ կարողանա ազդեցություն գործել: Ես հասկանում եմ ձեր հարցը, բայց չկա այդպիսի բան: Ազատ ենք այն առումով, որ արդեն բոլորի ժամկետները լրացած են, մենք կարող ենք բոլորին էլ ասենք՝ գնացեք:

Եվ նրանց փոխարեն բերել նոր գծատերե՞ր:

Ախր գծատեր չկա, ասեք՝ նոր ընկերություն, նոր օպերատոր:

Картинки по запросу ավտոբուսներ

Քաղաքապետն ասում է՝ հնարավոր է երկու տարի անց գործարկվի նոր երթուղային ցանց, մինչ այդ ի՞նչ պետք է արվի:

Ես չեմ կարող ասել քանի տարի կա: Քաղաքապետն ընդամենն ասաց՝ երկու տարվա համար կարող է ոչ մեկը ներդրում չանի:

lragir.am

(Visited 105 times, 1 visits today)