Նիկոլ Փաշինյանին ցնցել և զարմացրել են Գերմանիայի կանցլերն ու Լիտվայի նախագահի հոգատարությունը

ՀՀ վարչապետ Նիկոլ Փաշինյանին ցնցել և զարմացրել են Գերմանիայի կանցլեր Անգելա Մերկելի և Լիտվայի նախագահ Դալյա Գրիբաուսկայտեի հոգատարությունն ու խանդաղատանքը 2018 թվականի ապրիլին Հայաստանում տեղի ունեցած իրադարձությունների նկատմամբ:

 

«Արմենպրես»ի հաղորդմամբ՝ այս մասին փետրվարի 16-ին ընթերցասերների հետ զրույցում ասաց ՀՀ վարչապետ Նիկոլ Փաշինյանը:

«Անծանոթ մարդիկ ենք, բայց Եվրոպայի այս երկու լիդերների հետ առաջին իսկ խոսակցություններից զգացել եմ նրանց ջերմությունն ու վախը, որ հանկարծ այս ամենը չձախողվի:

Картинки по запросу նիկոլ փաշինյան անգելա մերկել

Նրանք ասում են՝ որ զգույշ լինեմ այս կամ այն հարցում, այսպես կամ այնպես չանեմ, քանի որ այս կամ այն խնդիրը կարող է ծագել, այդ ամենն իրենց սեփական փորձից գիտեն: Այդ հոգատարությունն այս ընթացքում իմ զգացած ամենացնցող բանն է: Շատ հուզիչ է»,-նշեց Փաշինյանը:

Նա խոստովանեց, որ Անգելա Մերկելին և Դալյա Գրիբաուսկայտեին իր մտքում անվանում է «եվրոմամաներ» կամ «եվրոքույրեր»: «Ասոցիացիան այդպիսին է.

Картинки по запросу նիկոլ փաշինյան անգելա մերկել

կրկնում եմ՝ նրանք այնպիսի խանդաղատանքով են վերաբերվում այս ամենին, ինչպես հարազատ քույրը, մայրը, ընտանիքի անդամը, և այդտեղ ոչ մի աշխարհաքաղաքական թակարդ, նենգություն չկա, կա մարդկային սովորական պարզ հոգատարություն մի երևույթի նկատմամբ, որն իրենց համար անհասկանալի է, բայց դարձել է սիրելի», ընդգծեց ՀՀ վարչապետը:

lragir.am

(Visited 127 times, 1 visits today)